पुणे : सहकारनामा ऑनलाइन(अब्बास शेख)
– ‛कोरोना’विषाणूमुळे राज्यात हा हा’कार माजला असताना आता याचा परिणाम कौटुंबिक गृह कलहात जाणवू लागला आहे. बारामती शहारामध्ये कोरोनामुळे अशीच एक घटना घडली असून पत्नीने चक्की पतीवरच शेतात वापरल्या जाणाऱ्या विळ्याने हल्ला करून त्यास जखमी केल्याची घटना घडली आहे. याबाबत जखमी पतीने पत्नीविरुद्ध बारामती शहर पोलीस ठाण्यात फिर्याद दिली असल्याने पत्नीविरुद्ध गुन्हा दाखल करण्यात आला आहे.
मिळालेल्या माहितीनुसार दिनांक २६ मार्च रोजी
सकाळी ११:३० च्या सुमारास फिर्यादी पतीच्या आंबेडकर वसाहत आमराई, ता.बारामती येथील घरासमोरील रोडवर तो उभा असताना त्याची पत्नी हिला तु पुणे-पिंपरी येथे गेली होती तु तेथुन परत आली असुन कोरोना विषाणुच्या अनुशंगाने तु मेडीकल चेकअप कर असे म्हणाला असता पत्नीने चिडुन जावुन पतीच्या अंगावर धावून जात अगोदर हाताने मारहाण केली आणि नंतर घरासमोर असलेला लोखंडी विळा हातात घेउन पुन्हा मारहाण करण्यास सुरुवात केली यावेळी सासूने मुलाला मारहाण होत असल्याचे पाहून भांडण सोडविण्यासाठी मध्ये आली असता तिलाही पत्नीकडून मारहाण करण्यात आल्याचे फिर्यादीत म्हटले आहे. याबाबत पत्नीविरुद्ध गुन्हा दाखल करण्यात आला असून कोरोनामुळे आता गृहकलह वाढल्याचे समोर येत आहे.
