दौंड : सहकारनामा ऑनलाईन
दौंड तालुक्यातील दहिटने येथील वृद्धाला झालेल्या कोरोना संसर्गाने सर्वत्र खळबळ माजली होती. त्यामुळे त्या वृद्धाच्या संपर्कात आलेली २२ जणांची तातडीने कोरोना टेस्ट करण्यात आली होती. २२ पैकी ९ जणांचे अहवाल आत्ता प्राप्त झाले होते त्यामध्ये नऊजणांची टेस्ट निगेटिव्ह आली होती आता सर्वच २२ जणांचे अहवाल प्राप्त झाले या सर्वांचे रिपोर्ट निगेटिव्ह आले असल्याची माहिती दौंडचे आरोग्य अधिकारी डॉ.रासगे यांनी दिली आहे. कोरोना बाधित व्यक्तीच्या संपर्कात आलेल्या २२ जणांचे रिपोर्ट निगेटिव्ह आल्याने दौंडकरांचा जीव भांड्यात पडला आहे. याबाबत दौंडचे आरोग्य अधिकारी डॉ.रासगे आणि दौंडचे आमदार राहुल कुल यांनी नागरिकांना आवाहन करत सर्वांनी घरातच राहावे, बाहेर कुणी फिरू नये, तोंडाला मास्क लावावे आणि आपली व आपल्या कुटुंबाची काळजी घ्यावी असे आवाहन केले आहे
