पुणे : सहकारनामा ऑनलाईन
हवेली तालुक्यातील लोणी काळभोर येथे कमरेला पिस्तुल लावून परिसरात दहशत निर्माण करण्याचा प्रयत्न करणाऱ्या दोघांना पोलिसांनी जेरबंद केले आहे.
पोलिसांनी या स्वयंघोषित भाईंकडून एक गावठी पिस्तुल, आठ जिवंत काडतुसे जप्त करत फिरोज महंमद शेख (वय२५ रा.घोरपडेवस्ती) आनंद महादेव चव्हाण (वय २३रा.पठारेवस्ती,कदमवाकवस्ती आणि निलेश नागेश जेटीथोर (वय २२ रा.कदमवस्ती) या तिघांविरोधात गुन्हा दाखल केला आहे.
पोलीस गस्त करत असताना त्यांना आरोपींचा संशय आल्याने त्यांची झडती घेतली असता त्यातील फिरोज महंमद शेख याच्या कंबरेस आतील बाजुस लावलेला एक गावठी पिस्तुल आणि मॅगझीनमध्ये ५ जिवंत काडतुसे मिळून आली. सोबत असणाऱ्या आनंद महादेव चव्हाण याकडे ३ जिवंत काडतुसे मिळून आली. ही शस्त्रे त्यांना निलेश नागेश जेटीथोर याकडून मिळाल्याची माहिती फिरोज शेख व आनंद चव्हाण यांनी पोलिसांना दिली. त्यांच्याकडून यांच्याकडून पिस्तुल, मॅगझीन, गोळ्या असा २८ हजार ६०० रुपये किंमतीचा मुद्देमाल जप्त करण्यात आला आहे. ही कारवाई वरिष्ठ पोलीस निरीक्षक सुरज बंडगर यांच्या मार्गदर्शनाखाली पोलीस उपनिरीक्षक शिवाजी ननवरे,पो.ना.परशराम सांगळे व लोकेश राऊत यांनी केली.
