दौंड : सहकारनामा ऑनलाईन
दौंड तालुक्यातील पडवी येथे किरकोळ वादातून एकावर चाकूने वार करून त्याचा खून करण्यात आल्याची धक्कादायक घटना घडली आहे.
मिळालेल्या माहितीनुसार दि.१ जून रोजी सायंकाळी ७ वाजता गायकवाड मळा, पडवी ता.दौंड येथे यातील आरोपी खंडू उर्फ रमेश विष्णू गायकवाड मजकुर याने किरकोळ कारणा वरून यातील मयत पोपट वसंत गायकवाड यास शिवीगाळ दमदाटी करून धारदार चाकुने छातीत वार करून गंभीर जखमी करून जिवे ठार मारले. याबाबत यवत पोलिसांनी फिर्यादी सुर्यकांत लक्ष्मण गायकवाड (वय २६ वर्षे व्यावसाय – खाजगी नोकरी रा.गायकवाड मळा पडवी ता,दौंड जि.पुणे) यांच्या फिर्यादीवरून खुनाचा गुन्हा दाखल केला आहे. यवत पोलिसांनी तातडीने आरोपी खंडू उर्फ रमेश गायकवाड यास ताब्यात घेतले असून पो.हवा.भिसे यांनी गुन्हा दाखल करून घेतला असून या घटनेचा तपास पोलीस उप निरिक्षक श्री.घाडगे करत आहेत. खुनाची माहिती मिळताच दौंड विभागाच्या उपविभागिय पोलीस अधिकारी ऐश्वर्या शर्मा, यवतचे पोलीस निरीक्षक भाऊसाहेब पाटील यांनी घटनास्थळी भेट दिली.
