दौंड : सहकारनामा ऑनलाईन (अब्बास शेख)
दौंड तालुक्यातील यवत ग्रामीण रुग्णालयाच्या अखत्यारीमध्ये असणाऱ्या विविध गावांतील 15 जणांची बुधवारी कोरोना टेस्ट घेण्यात आली होती या 15 पैकी पडवी या गावातील एका महिलेचा रिपोर्ट पॉझिटिव्ह आला असून बाकी इतर गावांतील 14 जणांचे रिपोर्ट निगेटिव्ह आले आहेत. याबाबत यवत ग्रामीण रुग्णालयाचे वैद्यकीय अधीक्षक डॉ.इरवाडकर यांनी माहिती दिली आहे.
पडवी मधील ही महिला नेमक्या कोणत्या कारणामुळे कोरोना बाधित झाली हे मात्र समजू शकले नाही. नागरीकांनी कोरोनाबाबत खबरदारी घेणे गरजेचे असून या संपूर्ण परिसरामध्ये सोशल डिस्टनसिंगचे पालन होताना दिसत नाही. अनेकांच्या तोंडाला मास्क नसते त्यामुळे याचा फैलाव जास्त प्रमाणावर होण्याची भीती आहे. नागरिकांनी योग्य काळजी घेऊन साबण आणि सॅनिटायझरचा वापर नियमीत करावा असा सल्ला आरोग्य अधिकाऱ्यांकडून वेळोवेळी देण्यात येत आहे.
