पुरंदर : सहकारनामा ऑनलाईन
संपूर्ण देशामध्ये सध्या कोरोनाने थैमान घातले आहे. हिच परिस्थिती राज्यातही आहे. त्यामुळे जेजुरीच्या खंडेरायाची येणारी सोमवती यात्रा रद्द करण्यात आल्याचा निर्णय घेण्यात आला आहे. हा निर्णय ग्रामस्थ -मानकरी मंडळाकडून घेण्यात आला आहे. कोरोना विषाणूचा वाढता प्रादुर्भाव त्यापासून होणारे संक्रमण टाळण्यासाठी हा महत्वपूर्ण निर्णय घेण्यात आला आहे.
या निर्णयामुळे यंदाच्या यात्रेची पालखीही निघणार नाही त्यामुळे भाविकांनी यात्रेला येऊ नये असे आवाहन करण्यात आलं आहे.
पुरंदर तालुक्यात कोरोना बाधितांचा आकडा वाढत चालला आहे. त्यामुळे अगोदरच जेजुरी आणि आसपासचा परिसर कन्टेनमेन्ट झोन म्हणून घोषित करण्यात आला आहे. याबाबत जेजुरी पोलिसांनी सोमवती यात्रेनिमित्त कोणीही भाविकांनी शहरात येऊ नये आणि जर असे करताना कोणी दिसले अथवा नियम मोडला तर कायदेशीर कारवाई करण्यात येईल असे सहा.पोलीस निरीक्षक अंकुश माने यांनी यावेळी सांगितले.
