दौंड : सहकारनामा ऑनलाइन (अब्बास शेख)
दौंडचे आमदार राहुल कुल यांची आज तिसरी कोरोना टेस्ट निगेटिव्ह आली आहे. यामुळे दौंडकरांचा आनंद गगनात मावेना अशी अवस्था झाली आहे.
दौंडचे आमदार राहुल कुल यांना सुमारे 15 दिवसांपूर्वी कोरोनाची लागण झाली होती. या बाबतची अधिकृत माहिती स्वतः आमदार राहुल कुल यांनी फेसबुकच्या माध्यमातून जनतेला दिली होती.
आमदार कुल यांना कोरोनाची बाधा झाल्याचे आणि सुसरी चाचणीही पॉझिटिव्ह आल्याचे समजताच संपूर्ण दौंड तालुक्यावर चिंतेचे वातावरण पसरले होते. जो तो आपापल्या परीने आमदार कुल यांना बरे वाटावे, त्यांना कोरोना व्हायरसच्या संक्रमानातून लवकर मुक्ती मिळावी अशी प्रार्थना करत होते. लोकांनी मंदिर, मशीद, चर्चमध्ये जाऊन त्यांच्यासाठी प्रार्थना केल्या होत्या. आज आमदार कुल यांची तिसरी चाचणी निगेटिव्ह आल्याने दौंडकरांच्या आनंदाला पारावर उरला नाही.
