दौंड : सहकारनामा ऑनलाइन (अब्बास शेख)
दौंड तालुक्यातील ग्रामीण भागामध्ये आता coronavirus कोरोना व्हायरसने चांगलेच डोके वर काढले आहे.
दौंड तालुक्यातील पाच सहा गावांमध्येच आज सोमवार दि. 21 जुलै रोजी सुमारे 21 जण कोरोना पॉझिटिव्ह रुग्ण आढळले आहे. याबाबतची माहिती तालुका आरोग्य अधिकारी डॉ.अशोक रासगे आणि यवत ग्रामीण रुग्णालयाचे वैद्यकीय अधीक्षक डॉ.इरवाडकर यांनी दिली आहे. मिळालेल्या माहितीनुसार केडगाव (पत्रा कंपनी) 8 , वरवंड 2, खुटबाव 1, चंदनवाडी (बोरिभडक) 2, यवत 1, सहजपुर 4, कासुर्डी 2, नांदूर 1 असे आज ’21’ जण कोरोना पॉझिटिव्ह आले आहेत. कोरोनाची इतक्या मोठ्याप्रमाणावर लागण सुरू झाल्याने या गावांमध्ये भीतीचे वातावरण निर्माण झाले आहे. याबाबत आरोग्य अधिकाऱ्यांकडून वेळोवेळी दक्षता घेण्याचे आवाहन नागरिकांना केले जात आहे मात्र नागरिक त्याकडे दुर्लक्ष करत असल्याचे दिसत आहे.
