दौंड : सहकारनामा ऑनलाईन (अख्तर काझी)
शहरातील कोरोनाचा फैलाव रोखण्यासाठी व शहर कोरोना मुक्त करण्यासाठी येथील उपजिल्हा रुग्णालय, नगरपालिका व पोलीस प्रशासन प्रयत्नांची पराकाष्टा करीत आहे.
कोरोनाचा कहर नियंत्रणात आणण्याकरिता विविध उपाय योजनांची अंमलबजावणीसह शहर कोरोना मुक्त करणे ही सर्वांचीच जबाबदारी आहे. हा उद्देश डोळ्यासमोर ठेऊन प्रशासनाच्या प्रयत्नांना आता येथील अखिल भारतीय मराठा महासंघाने(दौंड) साथ दिली आहे.
संपूर्ण शहर निर्जंतुकीकरण करण्यासाठी शहरातील सर्व १२ प्रभागांमध्ये(२४ वॉर्ड)फवारणी करण्यात आली आहे. तसेच कोरोना संसर्गाचा शहरात फैलाव होऊ नये म्हणून प्रशासनाने दिलेल्या उपाय योजनांची, नियमांची नागरिकांनी अमलबजावणी करावी असे महासंघा तर्फे आवाहन करण्यात येत आहे.
