दौंड : सहकारनामा ऑनलाईन (अब्बास शेख)
सध्या भायगिरी आणि माफिया राजला उधाण आले आहे, क्रिमिनल माईंड घेऊन लोक आता रस्त्यावर फिरू लागले आहेत आणि स्वतःला एखाद्या चित्रपटातील हिरो समजून विलण सारखे काम करू लागले आहेत. पोलिसांचे दंडुके पडले की मग अशा लोकांची नशा मात्र उतरते हेही त्रिवार सत्य आहे.
दौंड तालुक्यातील रावणगाव येथे पुणे सोलापूर महामार्गावर अशीच एक विचित्र घटना घडली असून दिनांक २२/०८/२०२० रोजी रात्रौ. ११:१५ वा चे सुमारास मौजे रावणगाव ता.दौंड जि. पुणे गावचे हद्दीत सोलापुर पुणे हायवे रोडवरील आश्वमेध हॉटेलकडे जाणा-या रोड जवळुन जात असताना फिर्यादी अनिता रावसाहेब भराटे (वय ४८ वर्ष. व्यवसाय घरकाम. ओम कॉलनी नं. २ बिजली नगर चिंचवड पुणे ३३) यांच्या इनोव्हा कार नं. एम.एच. १४ एच.पी. ९७ हीला आरोपींनी स्वतःकडे असणाऱ्या कार नं. एम एच. ४८ एफ.२३७४ हिने कट मारून या कारमध्ये असलेल्या अनोळखी चार इसमांनी पुढे गाडी थांबवली आणि गाडीतुन चौघांनी खाली उतरत त्यातील एका आरोपीने त्याच्या हातात धारदार चाकु घेऊन इनोव्हा गाडीजवळ येत फिर्यादी यांचा मुलगा आकाश याला जिवे ठार मारण्याचे उद्देशाने त्याच्या पोटात चाकु खुपसुन त्यास गंभीर जखमी केले. तसेच इतरांनी जखमी आकाश व गाडीत बसलेल्या इतर महिला व इसमांना हाताने व लाथाबुक्यांनी मारहाण करुन पळुन गेले.
यानंतर फिर्यादी यांनी त्यांचा मुलगा आकाश यास भिगवण येथील हॉस्पीटलमध्ये औषधोपचार करण्यास भरती केले. यावेळी फिर्यादी यांना समजले की त्यांचा मुलगा आकाश व त्यांना मारहाण करुन पळुन गेलेल्या चार ईसमांपैकी त्यातील एका इसमाला त्यांच्या सोबत असणाऱ्या कारमधील व्यक्तींनी पाठलाग करुन पकडले आहे. त्यावरून फिर्यादी अनिता रावसाहेब भराटे यांनी आरोपी अनिल शिवाजी बनसोडे (रा.अफजलपुर, ता.गुलबर्गा राज्य कर्नाटक सध्या रा.कांदवली ईस्ट दामुनगर लास्ट बसस्टॉप मुंबई) व त्याचे सोबत असलेले अनोळखी ३ ईसम नाव पत्ता माहीत नाही यांच्यावर गाडीला कट मारून गाडी आडवी लावून मुलाला चाकूने जीवे मारण्याचा प्रयत्न केल्याप्रकरणी फिर्याद दिली आहे, यावरून दौंड पोलिसांनी गुन्हा दाखल करून आरोपीस जेरबंद केले आहे.
