दौंड शहर : सहकारनामा ऑनलाइन
दौंड रेल्वे स्टेशन येथील तिकीट घर परिसरात एका अनोळखी इसमाचा मृतदेह मिळून आला आहे, दौंड पोलिसांनी अकस्मात मयत अशी नोंद केली आहे.
दि.5/10/2020 रोजी दौंड येथील रेल्वे स्टेशन तिकीट घरा( रिझर्वेशन काऊंटर) जवळ वडाच्या झाडाखाली इसम मयत अवस्थेत मिळून आला आहे. मयत इसमाचे वय अंदाजे 45 ते 50 वर्ष असून सदर अज्ञात मयताचे नाव व पत्या बाबत तपास सुरू असल्याची माहिती दौंड पोलिसांनी दिली.
मयताचे वर्णन- एक अज्ञात पुरुष जातीचे, वय 45 ते 50 वर्ष. रंग गोरा, उंची साधारण 165 सें.मी., दाढी, मिशी वाढलेली. डोकीस काळे पांढरे वाढलेले केस, अंगात पांढऱ्या रंगाचा हिरवे ठिपके असलेला शर्ट व पांढऱ्या रंगाची पॅन्ट, तसेच उजव्या हातावर व्यंकटेश असे नाव गोंदलेले आहे. सदर व्यक्ती बाबत कोणतीही माहिती मिळाल्यास दौंड पोलिसांशी संपर्काचे आवाहन करण्यात आले आहे.
