दौंड : दौंड नगरपरिषदेच्या मोकाट जनावरे पकडण्याच्या कंत्राटाशी संबंधित गंभीर प्रकार उघडकीस आला असून, 53 गाई-बैलांचा कथित अपहार केल्याप्रकरणी ठेकेदाराविरुद्ध दौंड पोलीस ठाण्यात गुन्हा दाखल करण्यात आला आहे.
याप्रकरणी दौंड नगरपरिषदेचे मुख्याधिकारी अवधूत साहेबराव तावडे (वय 43) यांनी फिर्याद दिली आहे. त्यानुसार, किरण नितीन वांबिरे (रा. गांधी चौक, दौंड) याच्याविरुद्ध गु.रजि. नं. 532/2026 अन्वये भारतीय न्याय संहिता कलम 316(5) अंतर्गत गुन्हा नोंदविण्यात आला आहे.
फिर्यादीनुसार, 9 फेब्रुवारी 2026 ते 16 फेब्रुवारी 2026 या कालावधीत दौंड शहरातील मोकाट फिरणाऱ्या एकूण 53 गाई-बैलांना पकडून गोशाळेत सुरक्षितपणे जमा करण्यात आले की नाही, याबाबत शंका निर्माण झाली. संबंधित ठेकेदाराने जनावरे गोशाळेत जमा न करता, कंत्राटाच्या अटींनुसार त्याच्याकडे सोपविण्यात आलेल्या जनावरांच्या कायदेशीर ताब्याचा गैरफायदा घेत 53 गाई-बैलांचा बेकायदेशीर अपहार केल्याचा आरोप फिर्यादीत करण्यात आला आहे.
या प्रकरणाचा पुढील तपास दौंडचे पोलीस निरीक्षक हेमंत शेडगे यांच्या मार्गदर्शनाखाली सहाय्यक पोलीस निरीक्षक विनायक सपाटे करीत आहेत.
