केडगाव, दौंड : यवत पोलीस स्टेशन हद्दीत असणाऱ्या दापोडी येथील लिंगमाळ परीसरात दारु विक्री करणाऱ्या एका आरोपीवर एम.पी.डी.ए. कायद्यानुसार १ वर्षासाठी स्थानबाद्धेतेची कारवाई करण्यात आली आहे. अजित महादेव मासाळ (वय ३७, रा. दापोडी, लिंगमाळ, ता.दौंड जि.पुणे) असे कारवाई करण्यात आलेल्या या आरोपीचे नाव आहे.
सदर आरोपी हा राहत्या घराच्या आडोशाला बेकायदेशिरपणे गावठी हातभट्टीची तयार दारु लोकांना विक्री करीत असल्याने त्याच्यावर यवत पोलीस ठाण्यामध्ये एकुण ६ गून्हे दाखल करण्यात आले होते. मात्र तरीही तो गावठी हातभट्टीची तयार दारु विक्री करण्याचे काम चालूच ठेवत होता. त्यामुळे परीसरातील गुन्हेगारी कृत्यांना आळा घालणे तसेच सार्वजनिक सुव्यवस्था व नागरीकांचे आरोग्याच्या दृष्टीकोनातून त्याच्यावर प्रभावी प्रतिबंधक कारवाई करणे अत्यंत आवश्यक होते.
त्यामुळे सदर इसमावर महाराष्ट्र झोपडपट्टी गुंड, हातभटटीवाले, औषधीद्रव्ये विषयक गुन्हेगार, धोकादायक व्यक्ती व ध्रुकश्राव्य कलाकृतीचे विनापरवाना प्रदर्शन करणारे व्यक्ती (व्हिडीओ पायरेटस) वाळू तस्कर आणी जीवनावश्यक वस्तुंचा काळाबाजार करणाऱ्या व्यक्ती यांच्या विघातक कृत्यांना प्रतिबंध करणाऱ्या विषयाचा अधिनीयम १९८१ चा (सुधारणा २०२५) चा महाराष्ट्र अधिनियम क्रमांक २९ चे कलम ३(१) प्रमाणे ‘हातभट्टीवाला व्यक्ती’ या सदराखाली स्थानबध्द करण्याबाबत मा. जिल्हाधिकारी, पुणे यांनी आदेशीत केल्याने इसम अजित महादेव मासाळ यास १ वर्षाकरीता स्थानबध्द करुन मध्यवर्ती कारागृह अमरावती (जि.अमरावती) येथे ठेवण्यात आले आहे.
सदरची कारवाई पुणे ग्रामिण पोलीस अधीक्षक संदिपसिंह गिल्ल, अपर पोलीस अधीक्षक गणेश बिरादार, उपविभागीय पोलीस अधिकारी बापूराव दडस यांच्या मार्गदर्शनाखाली पोलीस निरीक्षक संतोष तासगावकर, पोलीस उपनिरीक्षक किशोर वागज, पोलीस उपनिरीक्षक सागर माने, पोलीस हवालदार नारायण वलेकर, पोलीस हवालदार प्रमोद गायकवाड, पोलीस हवालदार परशुराम म्हस्के, पोलीस हवालदार मेघराज जगताप, पोलीस हवालदार संदिप करे, पोलीस हवालदार अमोल काळे, पोकॉ. अमोल भुजबळ, पोकॉ. प्रतिक धिवार, पोकॉ दादा जाधव यांच्या पथकाने केली आहे.
