विशेष प्रतिनिधी
मुंबई : महाराष्ट्र राज्य विधिमंडळाचे पावसाळी अधिवेशन येत्या २२ जून ते १० जुलै २०२६ या कालावधीत दरम्यान होणार असून हे अधिवेशन मुंबई येथे होणार आहे. याबाबतचा निर्णय आज विधानभवन येथे आयोजित एका बैठकीत घेण्यात आला आहे.
या संदर्भात विधानभवन येथे विधानसभा व विधानपरिषद कामकाज सल्लागार समितीची बैठक बोलविण्यात आली होती. या बैठकीमध्ये हा निर्णय घेण्यात आला आहे. यावेळी बैठकीत पावसाळी अधिवेशनाच्या कामकाजाचे नियोजन आणि कार्यक्रमाबाबत सविस्तर चर्चा करण्यात आली.
बैठकीस विधानपरिषदेचे सभापती प्रा.राम शिंदे, विधानसभा अध्यक्ष ॲड.राहुल नार्वेकर, मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार, विधानसभा उपाध्यक्ष अण्णा बनसोडे, उच्च व तंत्र शिक्षण तसेच संसदीय कार्यमंत्री चंद्रकांतदादा पाटील, अन्न व नागरी पुरवठा मंत्री छगन भुजबळ यांच्यासह आमदार सुधीर मुनगंटीवार, दीपक केसरकर, नाना पटोले, जयंत पाटील, डॉ. नीलम गोऱ्हे, अनिल परब, प्रसाद लाड, हेमंत पाटील, प्रवीण दरेकर, विक्रम काळे, सतेज पाटील, विधिमंडळाचे सचिव जितेंद्र भोळे व संबंधित वरिष्ठ अधिकारी उपस्थित होते.
