दौंड : दौंड तालुक्यातील पाटस येथे झालेल्या गोळीबार प्रकरणी दोन्ही बाजूच्या सुमारे 18 जणांवर गुन्हा दाखल करण्यात आला असून दोन्ही बाजूकडील 9 जणांना अटक करण्यात आली आहे. याबाबत परस्परविरोधी फिर्याद देण्यात आली असून त्यावरून दोन्ही गटावर गुन्हा दाखल करण्यात आला आहे.
पहिली फिर्याद संतोष बाळकृष्ण कडू, (वय 41 वर्षे, व्यवसाय ट्रक चालक, रा. बेटवाडी, ता. दौंड, जि. पुणे) याने दिली असून त्याने दिलेल्या फिर्यादीवरून आरोपी
1) सूरज राजेंद्र कु-हाडकर, 2) अजय धोत्रे, 3) श्रीकांत पवार, 4) अनिल चव्हाण (सर्व रा. अंबिकानगर पाटस, ता.दौड व इतर 03 अनोळखी इसम यांच्यावर गुन्हा दाखल करण्यात आला आहे.
कडू याने दिलेल्या फिर्यादीनुसार ते व आरोपी सूरज कुऱ्हाडकर यांच्यामध्ये श्री सिमेंट कपंनी पाटस येथे सिमेंट गाडी भरण्याच्या कारणावरून झालेल्या भांडणाचा वाद मिटविण्यासाठी दि. 05 जून रोजी पाटस येथील गरदडे काम्प्लेक्स समोर चर्चेसाठी बसले असताना आरोपी कुऱ्हाडकर याने आरोपी अजय धोत्रे आणि अनिल चव्हाण यांना बोलावुन घेवुन फिर्यादीस शिवीगाळ दमदाटी करून फिर्यादीस जिवे ठार मारण्याच्या उद्देशाने आरोपी अजय धोत्रे याने गावठी कट्ट्याने फिर्यादीच्या दिशेने गोळीबार केला असल्याचे फिर्यादित म्हटले आहे.
तर सुरज राजेंद्र कु-हाडकर (वय 32 वर्षे, व्यवसाय ट्रक चालक, रा. अंबिकानगर, ता. दौंड, जि. पुणे) याने दिलेल्या फिर्यादीनुसार आरोपी
1) संतोष बाळकृष्ण कडु (रा. बेटवाडी ता.दौंड)
2) आण्णा बाबु गायकवाड़
3) रावसाहेब गंगाराम पालवे
4) सुधीर आण्णा फुलमाळी
5) रामा बाजीराव गायकवाड
6) अनिल रामा गायकवाड (सर्व रा. जोशीवस्ती ढोकराई फाटा ता. श्रीगोंदा जि. अहिल्यानगर) व इतर 4 ते 5 अनोळखी इसम हे दि. 05/06/2026 रोजी दुपारी 02:25 च्या सुमारास पाटस येथील गरदडे काम्प्लेक्स समोर जुना वाद मिटविण्यासाठी बसले असता वरील सर्व आरोपिंनी बेकायदेशीर जमाव जमवुन लोखंडी गजाने व दगडांनी फिर्यादीस तसेच साक्षीदार याचा जीव जाईल हे माहित असताना देखील डोक्यात मारहाण करून जखमी करून शिवीगाळ दमदाटी केली असल्याचे म्हटले आहे. दोन्ही बाजूच्या फिर्यादीवरून सुमारे 18 जणांवर गुन्हा दाखल करण्यात आला असून पुढील तपास यवत चे पोलीस निरीक्षक नारायण देशमुख यांच्या मार्गदर्शनाखाली पोलिस उपनिरीक्षक विजय कोल्हे हे करीत आहेत.
