पुणे : दहशतवाद विरोधी पथक (ATS) आणि रांजणगाव पोलिसांनी केलेल्या धडक कारवाईत वेश्या व्यवसाय करणाऱ्या ७ महिलांची सुटका करण्यात आली आहे तर दोन दलाल आरोपिंवर गुन्हा दाखल करण्यात आला आहे. ही कारवाई दि.२/६/२०२६ रोजी दुपारी ४.०० च्या सुमारास शिरुर तालुक्यातील कारेगाव हद्दीत असणाऱ्या नगर-पुणे हायवे रोडलगतच्या ‘जयश्री फर्निचरच्या’ बाजुला असलेल्या लॉजिंगमध्ये करण्यात आली आहे.
सदरची कारवाई हि भुषण माने (पोलीस उपअधिक्षक, पोलीस मुख्यालय, पुणे ग्रामीण) यांना मिळालेल्या गोपनिय माहितीच्या आधारे करण्यात आलेली असून सदर छापा कारवाईमध्ये आरोपी १) लुतफ्फर मुज्जमलहक शेख (वय ४५ वर्षे, मुळ रा. नालीताजल, ता. बाजीतपुर, थाना-धनियाखाली, जि.हुगली, पश्चिम बंगाल, सध्या रा. कारेगाव, ता. शिरूर, जि. पुणे) २) बबलु साहु सध्या (रा. कारेगाव, ता. शिरुर, जि. पुणे मुळ रा. उडीसा) यांच्या विरुध्द स्त्रीया व मुली अनैतिक व्यापार प्रतिबंधक कायद्यान्वये गुन्हा दाखल करण्यात आला आहे.
सदर आरोपी हे महिलांच्या असहाय्यतेच्या फायदा घेवुन त्यांना लैंगीक हेतु करीता अवैध्यरित्या संगणमताने देहविक्री करीत असताना मिळून आले आहेत. ताब्यात घेण्यात आलेला आरोपी लुतफ्फर शेख याला गुन्ह्याचे कामी अटक करण्यात आलेली असुन आरोपी बबलु साहु हा फरार आहे. साहू याच्याविरुध्द यापुर्वी देखील अशा प्रकारे वेश्याव्यवसाय चालविले प्रकरणी रांजणगाव पोलीसांनी गुन्हा दाखल केलेला आहे.
सदर छापा कारवाईमध्ये एकुण ७ महिलांची पोलीसांनी सुटका केली असुन सुटका केलेल्या महिलांपैकी ३ महिला या बांग्लादेशी असल्याचे निष्पन्न झाले आहे. सदर पिडीत महिलांना महिला सुधारगृह येथे सुरक्षेच्या दृष्टीने ठेवण्यात आलेले आहे. सदर पिडीत बांग्लादेशी महिलांना कायदेशीर प्रक्रिया पुर्ण झाल्यावर परत बांग्लादेशामध्ये पाठविण्याची कारवाई सुरु करण्यात आलेली आहे.
सदरची कारवाई हि संदीप गिल्ल (पोलीस अधिक्षक, पुणे ग्रा) प्रशांत ढोले (उपविभागीय पोलिस अधिकारी शिरुर विभाग) यांच्या मार्गदर्शनाखाली भुषण माने, (पोलीस उपअधिक्षक, पोलीस मुख्यालय, पुणे ग्रामिण) यांच्या नेतृत्वामध्ये दहशतवाद विरोधी शाखेचे पोलीस अंमलदार सहा. उपनिरीक्षक महेश गायकवाड, सहा.उपनिरीक्षक विशाल गव्हाणे, पो.काँ. औंकार शिंदे, पो.काँ. मोसीन शेख, पो.हवा. गणेश चंदनशिव पोकॉ अक्षय आदक तसेच रांजणगाव MIDC पोलीस स्टेशनचे अविनाश थोरात, पोलीस उपनिरीक्षक, पो.हवा. संतोष औटी, पो.हवा. विलास आंबेकर, ब्रम्हा पोवार, विजय सरजिने, संदिप जगदाळे, पो.कॉ. संतोष साळुंखे, अमोल रासकर, किशोर शिवणकर, योगेश गुंड, म.पो.हवा. विद्या बनकर, म.पो.कॉ. मोहीनी पाटील, म.पो.कॉ. शुभांगी लबडे, सोनाली जगताप यांची दोन वेगवेगळी पथके तयार करुन करण्यात आलेली आहे.
सदर गुन्हयांचा पुढील तपास महादेव वाघमोडे (पोलीस निरीक्षक) यांच्या मार्गदर्शनाखाली पोलीस उपनिरीक्षक अविनाश थोरात हे करीत आहेत.
