दौंड : अनधिकृपणे गर्भलिंग निदान करुन संपूर्ण दौंड तालुक्यात खळबळ माजवून देणाऱ्या आरोपी अण्णासाहेब गिरी याला दौंड न्यायालयाने पाच दिवसांची पोलिस कोठडी सुनावली आहे. आरोपी गिरी याला यवत पोलिसांनी टीमने मोठ्या शिताफिने त्याच्या राहत्या घरातून ताब्यात घेतल्यानंतर आज त्याला दौंड न्यायालयात हजर करण्यात आले होते.
सरकारी वकील आणि आरोपीच्या वकिलांनी यावेळी आपापली बाजू मांडली. आरोपीचे कृत्य आणि त्याने अजून कोठे काय काय केले, कोण कोण सोबत होते अश्या अनेक प्रश्नांची उत्तरे मिळत नसल्याने यवत पोलिसांनी माननीय न्यायालयाकडे पोलिस कोठडीची मागणी केली होती. यवत पोलिसांची मागणी ग्राह्य धरत दौंड न्यायालयाने आरोपीला २५ मे पर्यंत पोलिस कोठडी सुनावली आहे.
आरोपी गिरी याने केडगाव परिसर आणि अजूनही अनेक ठिकाणी गर्भलिंग निदान चाचण्या केल्याची चर्चा संपूर्ण पंचक्रोशीत होत असून पुढील तपासात अनेक बाबी उघड होणार आहेत.
