केडगाव : दौंड तालुक्यातील केडगाव आणि सहजपूर अश्या दोन ठिकाणी यवत पोलिस स्टेशन हद्दीमध्ये दोन तरुणांचे खून झाल्याची घटना घडली आहे.
पहिली घटना हि सहजपूर येथे घडली असून दि.11/05/2026 रोजी सायंकाळी 05.30 ते 05.45 च्या दरम्यान सहजपुर फाटा येथील ओअसीस हॉटेलमध्ये फिर्यादी दयानंद विश्वनाथआप्पा भुरके यांचा मित्र अक्षय निगडे तसेच त्यांचा मयत पुतण्या धनराज शिवाजी भुरके (वय 39 वर्षे रा. अंबुलगा मेन ता. निलंगा जि लातुर) हे जेवण करताना परमीट रूममध्ये दारू पिले त्यावेळी धनराज भुरके हा बाथरूमला जात असताना समोरच्या टेबलावर बसलेल्या तरुणांना धक्का लागला.
धक्का लागल्याच्या कारणावरून आरोपी 1) माऊली पांडुरंग जाधव 2) विशाल मारुती धेंडे (दोन्ही रा. ऊरुळी कांचन ता. हवेली) 3) नवाज रियाज तांबोळी (रा.यवत ता दौंड) यांनी धनराज भुरके याला हाताने लाथाबुक्याने तसेच खुर्चीने जबर मारहान करून त्याचा खून केला. याबाबत वरील तिन्ही आरोपिंवर यवत पोलिस ठाण्यात गुन्हा दाखल करण्यात येऊन आज आरोपिंना अटक करण्यात आली आहे.
केडगाव येथेहि तरुणाचा खून.. दुसरी घटना हि केडगाव टोल नाक्यावर घडली असून एकत्रपणे बांधकाम काम करणाऱ्या चार तरुणांमध्ये वाद झाल्यानंतर त्यातील सुभाष नावाच्या एका तरुणाला अन्य तिघांनी जबर मारहाण केल्याने त्याचा मृत्यू झाला आहे. हे चौघेजन बांधकाम कामगार होते आणि ते केडगाव टोलनाक्यावरील समृद्धी हॉटेल येथे राहत होते. या तिघांनी रात्री या तरुणाला मारहाण करुन नंतर एक चारचाकी वाहन लंपास करुन पोबारा केला होता मात्र केडगाव पोलिसांनी या आरोपिंचा शोध घेत त्यांना ताब्यात घेतले आहे.
या तीन आरोपीमधील एक नेवासा, एक राहुरी आणि एकजण हिंगोलीचा आहे अशी माहिती केडगाव पोलिसांकडून मिळत आहे. सध्या गुन्हा दाखल करण्याचे काम सुरु असून पुढील तपास केडगाव पोलिस चौकी चे पोलिस उपनिरीक्षक वागज करीत आहेत.
