दौंड : दौंड तालुक्यातील पारगाव (सालू मालू ) येथे महाराष्ट्र दिनाचे औचित्य साधून १ मे रोजी मोफत महा आरोग्य शिबिर घेण्यात आले. हे मोफत आरोग्य शिबिर निरामय हॉस्पिटलचे डॉ.विशाल खळदकर आणि जिल्हा परिषद सदस्या डॉ.गायत्री खळदकर यांच्या विशेष सहकार्यातून घेण्यात आले ज्याचे आयोजन पारगाव येथील शिवस्वराज्य प्रतिष्ठान यांनी केले होते.
या शिबिरामध्ये ब्लड प्रेशर, ब्लड शुगर, ईसीजी, 2डी इको, सिटीस्कॅन तसेच रक्ताच्या विविध तपासण्या मोफत आणि माफक दरात करण्यात आल्या. या शिबिरामध्ये 100 पेक्षा जास्त रुग्णांची तपासणी करण्यात आली ज्यामध्ये 50 रुग्णांना जनरल मेडिसिन ओपीडी करण्यात आले तर वीस रुग्णांना हृदयविकार व ब्लड प्रेशर ट्रीटमेंटसाठी निरामय हॉस्पिटलमध्ये बोलवण्यात आले.
या शिबिरात निरामय सुपर स्पेशलिटी हॉस्पिटलचे डॉ. विशाल खळदकर, झेडपी सदस्या डॉ. गायत्री विशाल खळदकर, डॉ. ऐश्वर्या वनवे, डॉ. योगेश दोडके, डॉ. प्रसाद तांबे यांनी रुग्णांची तपासणी करत त्यांना आरोग्याच्या दृष्टीने योग्य ते मार्गदर्शन केले. यावेळी प्रत्येक गावामध्ये मोफत आरोग्य शिबीर घेण्याचा माणस खळदकर दांपत्याने बोलून दाखवला.
