दौंड : पाटस येथील दैनिक पुढारी चे पत्रकार अक्षय देवडे यांचा साप्ताहिक संघनायक कडून ग्रामिण पत्रकार गौरव पुरस्कार देऊन सन्मान करण्यात आला.
अक्षय देवडे यांनी दौंड तालुक्यात पत्रकारिता क्षेत्रात उल्लेखनीय कामगिरी करत ग्रामीण भागाशी निगडीत विविध प्रश्न निर्भीडपणे मांडत सर्वसामान्य जनतेचे प्रश्न सोडविण्यात मोलाचा हातभार लावला आहे. त्यांच्या या कार्याची दखल घेत त्यांना साप्ताहिक संघनायक या वृत्तपत्राकडून दौंडचे माजी आमदार रमेश थोरात यांच्या हस्ते पत्रकार गौरव पुरस्कार देऊन सन्मानित करण्यात आले.
हा कार्यक्रम मूकनायक मैत्री संघ आणि दि पिपल्स वेलफेअर अँड डेव्हलपमेंट फाउंडेशन यांच्या संयुक्त विद्यमाने आयोजित करण्यात आला होता. भारतरत्न डॉ. बाबासाहेब आंबेडकर यांनी सुरू केलेल्या बहिष्कृत भारत या ऐतिहासिक पाक्षिकाच्या ९९ व्या वर्षपूर्ती निमित्त तसेच साप्ताहिक संघनायकच्या १० व्या वर्धापन दिनानिमित्त या विशेष पुरस्काराचे आयोजन करण्यात आले होते.
