Political – दौंड तालुक्यामध्ये ग्रामपंचायत रणधुमाळी सुरू, 51 गावांतील इतक्या उमेदवारांनी केले अर्ज दाखल

दौंड : सहकारनामा

दौंड तालुक्यामध्ये ग्रामपंचायत निवडणुकीची धामधूम सुरू झाली आहे. आज शेवटच्या दिवशी मोठ्या प्रमाणावर ग्रामपंचायतीच्या इच्छुक  उमेदवारांनी उमेदवारी अर्ज दाखल केले आहेत.

दि.23 डिसेंबर पासून आज अखेर पर्यंत 51 ग्रामपंचायतींच्या एकूण 2123 इच्छुक उमेदवारांनी आपले  उमेदवारी अर्ज दाखल केले आहेत.

आज उमेदवारांची मोठी गर्दी लक्षात घेता दोन तासांनी वेळ वाढविण्यात येऊन उमेदवारी अर्ज सायंकाळी 5 वाजेपर्यंत स्वीकारण्यात आले असल्याची माहिती दौंडचे तहसीलदार संजय पाटील यांनी दिली.

उमेदवारांना आपले उमेदवारी अर्ज माघे घेण्यासाठी 4 जानेवारीपर्यंत मुदत देण्यात आली आहे. यानंतर   उमेदवारांना चिन्ह वाटप होऊन प्रचार सुरू होणार आहे.

ग्रामपंचायत निवडणुकीचे मतदान 15 तारखेला होणार असून निकाल 18 तारखेला लागणार आहे.

या निवडणुकीत अनेकांनी आपली प्रतिष्ठा पणाला लावली असून अनेकांनी उमेदवारी न मिळाल्याने बंडाळी केली आहे.