दौंड : दौंड तालुक्यातील केडगाव, आंबेगाव पुनर्वसन येथील जय भवानी पुनर्वसन शिक्षण संस्थेच्या स्वामी विवेकानंद विद्यालयातील विद्यार्थ्यांनी एलिमेंटरी /इंटरमेजीएट ग्रेड परीक्षेमध्ये घवघवीत यश मिळवले आहे.
महाराष्ट्र राज्य कला संचालनालय मुंबई, यांच्या वतीने शासकीय चित्रकला परीक्षा दरवर्षी सप्टेंबर, ऑक्टोबर महिन्यात घेण्यात येतात. त्यांचा निकाल नुकताच जाहीर झाला. स्वामी विवेकानंद विद्यालय, केडगाव (आंबेगाव पुनर्वसन) विद्यालयाचे विद्यार्थी दरवर्षी या परीक्षेत बसतात याही वर्षी एलिमेंटरी, इंटरमेजीएट ग्रेड परीक्षेसाठी विद्यालयातून एकूण 23 विद्यार्थी बसलेले होते. त्यापैकी 7 विद्यार्थ्यांना अ आणि ब श्रेणी मिळाली तर अन्य सर्व विद्यार्थी उत्तीर्ण झाले. विद्यालयाचा निकाल हा दरवर्षी 100% लागतो असे विद्यालयाचे कलाशिक्षक हेमंत उत्तमराव केंजळे यांनी सांगितले. दहावीच्या विद्यार्थ्यांना या परीक्षेचा खूप मोठा फायदा होतो असे त्यांनी यावेळी सांगितले.
यशस्वी उत्तीर्ण विद्यार्थ्यांचे व त्यांना मार्गदर्शन करणाऱ्या कलाशिक्षक हेमंत केंजळे यांचे संस्थेचे अध्यक्ष ह.भ.प. ज्ञानेश्वर महाराज काळभोर, सचिव सुभाष निढाळकर, शाळेच्या मुख्याध्यापिका शारदा जाधव मॅडम, यांसह शाळेचे सर्व शिक्षक, कर्मचारी, ग्रामस्थ व राजकीय नेते, पदाधिकाऱ्यांनी अभिनंदन केले आहे.
