Sad News – कायम दुसऱ्यांना हसवणाऱ्या नाना हंडाळ या पोलीस कर्मचाऱ्याचे निधन, केडगावसह पोलीस दलात खळबळ

पुणे : सहकारनामा

कायम दुसऱ्यांना खळखळून हसवणाऱ्या, दुसऱ्याचे दुःख स्वतःचे समजून त्याला धीर देणाऱ्या आणि पोलीस नाईक असूनही सामाजिक कार्यात कायम स्वतःला झोकून देणाऱ्या नाना हंडाळ (सध्या रा. शिवाजी नगर पोलीस लाईन, गावाचा पत्ता- केडगाव ता.दौंड) या पुणे शहर पोलीस कर्मचाऱ्याचे आज निधन झाले.

नाना हंडाळ हे पुणे शहर बंडगार्डन पोलीस ठाण्यात पोलीस नाईक या पदावर कार्यरत होते. त्यांनी आज पोलीस लाईनमधील राहत्या घरात गळफास घेऊन आत्महत्या केली.

नाना हंडाळ यांचे  दौंड तालुक्यातील केडगाव हे गाव असून त्यांना या गावात मोठा मान होता. कायम हसरा चेहरा आणि दिलखुलास व्यक्तिमत्व हि त्यांची ओळख होती.

त्यांच्या आत्महत्येप्रकरणी  शिवाजीनगर पोलीस ठाण्यात नोंद करण्यात आली आहे. नाना हंडाळ हे सध्या शिवाजीनगर पोलीस लाईनममधील डी इमारतीत राहत होते.

नाना हंडाळ यांच्या अचानक जाण्याने केडगाववर शोककळा पसरली असून सध्या त्यांचा मृतदेह शवविच्छेदनसाठी शहरातील रुग्णालयात पाठविण्यात आला आहे.