दौंड : सहकारनामा
दौंड तालुक्यातील खानवटे या गावचे हद्दीमध्ये एका तरुणाचा प्लास्टिक पट्टीने हात पाय बांधून नदीपात्रात मृतदेह आढळून आला आहे, याबाबत दौंड पोलिसांनी खुनाचा गुन्हा दाखल केला आहे.
मिळालेल्या माहितीनुसार खानवटे येथील आण्णासाहेब शहाजीराजे भोसले यांचे जमिनीच्या पुर्वेस भिमा नदीच्या पाण्याच्या पात्रात एक पुरूष जातीचे प्रेत वय अंदाजे ३० ते ३५ वर्षाचे (नाव व पत्ता माहीत नाही) आढळून आले.
सदर मयताचे दोन्ही हात व दोन्ही पाय बॉक्स पॅकींग करण्यासाठी लागणाऱ्या प्लॅस्टिक पट्टीने बांधलेले होते. त्यामुळे या तरुणाचा कोणीतरी अज्ञात इसमाने कोणत्यातरी अज्ञात कारणासाठी अज्ञात ठीकाणी खून करून त्याचा मृतदेह भिमा नदीच्या पात्रात टाकून पुरावा नष्ट करण्याचा प्रयत्न केला असल्याचे पोलिसांना आढळून आले.
याबाबत खानवटे च्या पोलीस पाटील उर्मिला उत्तम गायकवाड यांनी दौंड पोलीस ठाण्यात फिर्याद दिली असून पोलीस निरीक्षक नारायण पवार यांच्या मार्गदर्शनाखाली तपास सुरू आहे.
