दौंड : सहकारनामा
दौंड तालुक्यातील केडगाव, यवतसह 10 गावांतील 22 जणांना कोरोनाची लागण झाली आहे. आज दि.18 मार्च रोजी कोरोना रुग्णांचा अहवाल आला असून याबाबतची माहिती यवत ग्रामिण रुग्णालयाचे वैद्यकीय अधीक्षक डॉ.इरवाडकर यांनी दिली आहे.
दौंड तालुक्यामध्ये सध्या कोरोनाचे रुग्ण वाढत चालले आहेत, मात्र तरीही नागरिकांमध्ये कोरोनाबाबत हवी तशी काळजी घेतली जात नसल्याचे सर्वत्र पाहायला मिळत आहे. त्यामुळे पुन्हा एकदा कोरोनाचा प्रसार झपाट्याने वाढत असल्याचे दिसत आहे.
आज आलेल्या वैद्यकीय अहवालामध्ये केडगाव 7, यवत 5, राहू 2, खामगाव 2, देऊळगाव गाडा 1, वाळकी 1, गलांडवाडी 1, माळवाडी 1, कासुर्डी 1, उरुळीकांचन 1, असे एकूण 22 रुग्ण सापडले आहेत. एकूण 108 लोकांची कोरोना टेस्ट करण्यात आली होती त्यामध्ये सुमारे 22 जण पॉझिटिव्ह आढळून आले आहेत तर 86 जण निगेटिव्ह आले आहेत. यामध्ये 14 पुरुष आणि 8 महिलांचा समावेश आहे.
