केडगाव : केडगाव स्टेशन (ता.दौंड) येथील पाणी पुरवठा करणारी पाईपलाईन अज्ञाताकडून फोडण्यात आली असल्याची माहिती ग्रामपंचायत सरपंच आणि सदस्य यांच्याकडून देण्यात आली आहे.
वाखारी (केडगाव) विहीर ते पाणी टाकीपर्यंत पाणीपुरवठा करणारी पाईपलाईन अज्ञात इसमांनी जेसीबीने उकरुन तीचे नुकसान करण्यात आले आहे. हे ग्रामपंचायत मालमत्तेचे नुकसान असून अश्या कृत्यांवर कारवाई करण्याचे संकेत ग्रामपंचायतकडून देण्यात आले आहेत.
विकासकामांना खिळ घालण्याचे प्रकार – हे प्रकार विकासकामांना खिळ बसावी यासाठी करण्यात येत आहेत मात्र अश्या कुरापतींना वेळीच उत्तर दिले जाईल असे सरपंच आणि ग्रामपंचायत सदस्यांकडून स्पष्ट करण्यात आले आहे. तसेच केडगावच्या विकासकामांना गती देण्यासाठी सहकार्य करावे. उगच असले धंदे करून काही फायदा होणार नाही. कुरखोड्या करणाऱ्या समाजकंटकांना शोधुन त्याच्यावर रितसर कारवाई करणार असल्याचे यावेळी ग्रामपंचायत प्रशासनाने ने स्पष्ट केले.
