अब्बास शेख
दौंड : दौंड पोलिसांनी अमली पदार्थ विरोधात मोठी कारवाई करत वाहनातून घेऊन जात असलेला 13 लाखांचा तब्बल 52 किलो गांजा जप्त केला असून एका आरोपीस अटक करण्यात आली आहे.
दौंड पोलिसांना आज दि. 24 एप्रिल रोजी पहाटेच्या सुमारास एका वाहनातून गांजाची तस्करी करण्यात येणार असल्याची खबर मिळाली होती. त्या अनुषंगाने पोलीस निरीक्षक गोपाळ पवार यांच्या मार्गदर्शनाखाली दौंड पोलिसांनी अहिल्यानगर पाटस रोडवर नाकाबंदी केली होती. पहाटे तीन वाजण्याच्या सुमारास एक संशयीत किया कार भरधाव वेगाने येत असल्याची पोलिसांना दिसली. पोलिसांनी या कार ला बॅरिकेट लावून अडविण्याचा प्रयत्न केला असता बॅरिकेट ला कट मारून हि कार पुढे जावून एका वाहनाला धडकली.
यावेळी पोलिसांनी यातील संशयीत व्यक्तीला ताब्यात घेऊन गाडीची तपासणी केली असता त्यामध्ये 13 लाख रुपयांचा 52 किलो गांजा आढळून आला. पोलिसांनी आरोपी मुकेश कनोजे (रा.मध्यप्रदेश) याला ताब्यात घेत वाहन आणि गांजा असा 23 लाखांचा मुद्देमाल जप्त केला आहे.
सदरची कारवाई पुणे ग्रामिण पोलीस अधिक्षक संदिपसिंह गिल्ल, अपर पोलीस अधिक्षक बारामती गणेश बिरादार, उपविभागीय पोलीस अधिकारी बापुराव दडस यांच्या मार्गदर्शनाखाली पोलीस निरीक्षक गोपाळ पवार, पो.स.ई रुपेश कदम, पो.स.ई चौधरी, पो.स.ई साळुंखे, पो.हवा राउत, पो.हवा बोराडे, पो.हवा पांढरे, पो.कॉ. संजय कोठावळे, पो.कॉ तुमकुटे, पो.कॉ हजारे, पो.कॉ पवन माने या पोलीस पथकाने यशस्वीरत्या पार पाडली.
