दौंड : सहकारनामा ऑनलाईन (अब्बास शेख)
दौंड तालुक्यातील ग्रामीण भागामध्ये कोरोनाने आपले बस्तान चांगलेच बसवले असल्याचे दिसत आहे.
कोरोनाने आपले प्रस्थ वाढवताना त्यास नागरिकही तेवढेच जबाबदार असल्याचे आता जाणवू लागले आहे, त्यामुळे नागरिकांनी योग्य ती खबरदारी न घेतल्यास हा आजार जास्त बळावण्याची शक्यता वर्तवली जात आहे.
आज पुन्हा आलेल्या दुसऱ्या अहवालामध्ये 41 पैकी 15 जण कोरोना पॉझिटिव्ह आढळून आले आहेत. याबाबतची माहिती यवत ग्रामीण रुग्णालयाचे वैद्यकीय अधीक्षक डॉ.इरवाडकर यांनी दिली आहे.
मिळालेल्या माहितीनुसार यवत 3, वरवंड 4, बोरीपार्धी 3, भांडगाव 2, पाटस 1, पडवी 1, बोरिभडक 1, असे 15 जण पॉझिटिव्ह आढळून आले असून या सर्वांची चाचणी यवत ग्रामीण रुग्णालयात करण्यात येऊन त्यांचे स्वॅब हे पुण्यातील प्रयोग शाळेत पाठविण्यात आले होते, आज आलेल्या दुसऱ्या अहवालात हे 15 जण पॉझिटिव्ह आले असून दुपारी आलेल्या अहवालात 3 जण पॉझिटिव्ह आढळून आले होते.
