दौंड : केडगाव (ता.दौंड) येथे हुतात्मा एक्सप्रेस समोर येत एका ३९ वर्षीय तरुणाने आत्महत्या केल्याची घटना सोमवारी सकाळी ९:२५ वाजता घडली आहे.
याबाबत दौंड रेल्वे पोलिसांनी दिलेल्या माहितीनुसार त्या व्यक्तीचे नाव अमोल अशोक निंबाळकर (वय ३९ वर्षे) असे असून तो आंबळे (ता.शिरूर) येथील रहिवासी असल्याबाबत अधिक माहिती मिळत आहे. अमोल याने रेल्वेसमोर येउन आत्महत्या का केली याबाबत मात्र माहिती मिळू शकली नाही.
सोमवारी सकाळी ९:२५ च्या दरम्यान घडलेल्या या घटनेमुळे केडगाव रेल्वे स्थानकाजवळ एकच खळबळ माजली. सदर व्यक्ती थेट रेल्वेसमोर आल्याने त्याचा जागीच मृत्यू झाला. त्याने आत्महत्या का केली याबाबत दौंडचे रेल्वे पोलिस हवालदार टिंगरे हे अधिक तपास करीत आहेत.
