वरवंड : दौंड तालुक्यातील वरवंड येथे भर चौकात असलेले एटीएम मशिन आणि त्यातील रक्कम चोरट्यांनी चोरुन नेल्याची घटना घडली आहे. याबाबत धनंजय नामदेव शिंदे (वय 44 वर्षे, व्यवसाय नोकरी (इंडीया 1 पेमेंट लि. मध्ये झोनल ऑपरेशन मॅनेजर, रा. आर्यन बंगला, मार्केट यार्ड राजगुरुनगर ता.खेड जि.पुणे) यांनी फिर्याद दिली आहे. त्यांनी दिलेल्या फिर्यादीनुसार अज्ञात चोरट्यांवर गुन्हा दाखल करण्यात आला आहे.
एटीएम चोरीची ही घटना दिनांक 02/03/2026 रोजी सकाळी 08.00 वाजण्यापूर्वी वरवंड येथील बस स्टँड जवळ असणाऱ्या अब्दुल पटेल यांच्या जागेत असणाऱ्या गाळयात घडली आहे. हे एटीएम इंडिया 1 कंपनीचे असून त्याची किंमत 70,000 रुपये इतकी होती तर या एटीएम मशीन मध्ये सुमारे 7,13,300 इतकी रक्कम रोख स्वरूपात होती अशी माहिती यवत पोलिसांनी दिली आहे.
मिळत असलेल्या माहितीनुसार, अज्ञात चोरट्यांनी वरवंड चौकात असणाऱ्या या कशाच्या तरी सहाय्याने वरील वर्णनाचे इंडिया वन कंपनीचे ATM मशीन ओढून नेत त्या मशीनमध्ये असलेली वरील प्रमाणे रोख रक्कम चोरी करून नेली आहे. या घटनेचा अधिक तपास यवत चे सपोनि महेश माने हे करीत आहेत.
