दौंड : इराण आणि इस्रायलमधील वाढत्या तणावामुळे आणि युद्धजन्य परिस्थितीमुळे आंतरराष्ट्रीय विमान सेवा विस्कळीत झाली आहे. याचा मोठा फटका भारतीय पर्यटकांना बसला असून दौंड तालुक्यातील काही आरोग्य विमा प्रतिनिधी सध्या दुबईत अडकून पडले आहेत.
युद्धाच्या सावटाखाली अनेक विमान फेऱ्या रद्द करण्यात आल्याने या सर्वांना मायदेशी परतणे कठीण झाले आहे. दुबईतील हॉलिडे इन हॉटेलमध्ये थांबलेल्या दौंड तालुक्यातील संपत बनकर तसेच इतरांशी दौंडचे आमदार राहुल कुल यांनी व्हिडिओ कॉलद्वारे संपर्क साधत संवाद साधलाय.
दुबई मधील सध्याची परिस्थिती जाणून घेत त्यांना सर्वोतपरी मदतीसाठी सुरक्षितपणे भारतात परत आणण्यासाठी मुख्यमंत्री कार्यालयाशी बोलणार असल्याचे कुल यांनी सांगितलेय.
