Political – भांडगाव ग्रामपंचायत बिनविरोध करण्यात पॅनेल प्रमुख थोडक्यात अपयश, मात्र ‛इतक्या’ जागा बिनविरोध झाल्याने दोन्ही बाजूचे कार्यकर्ते खुश

दौंड : सहकारनामा 

दौंड तालुक्यातील राजकीय दृष्ट्या महत्वाची असणारी भांडगावची ग्रामपंचायत निवडणूक बिनविरोध करण्यात दोन्ही पॅनल प्रमुखांना अखेर अपयश आले आहे. मात्र 11 जागांपैकी  8 जागा बिनविरोध करण्यात त्यांना यश आले असल्याने आता फक्त 3 जागेसाठी हि निवडणूक होणार आहे. 

बिनविरोध झालेल्या 8 जागांमध्ये कुल यांचे समर्थक काटकर दादा आणि थोरात यांचे समर्थक मधूअण्णा दोरगे यांचे प्रत्येकी 4-4 जागा बिनविरोध झाल्या आहेत.

निवडणूक लागलेल्यामध्ये 1 नंबर वार्ड मध्ये एका जागेसाठी, 3 नंबर वार्डमध्ये एक जागेसाठी तर 4 नंबर वार्डमध्ये एक जागेसाठी तिरंगी लढत होणार आहे. यामध्ये भाजपचे रवी दोरगे, राष्ट्रवादीचे संतोष मधुकर दोरगे आणि अपक्ष रामदास दोरगे यांच्यामध्ये ही तिरंगी लढत होणार आहे.

ग्रामपंचायत बिनविरोध करण्यासाठी तालुका पातळीवरील दोन्ही नेत्यांनी ताकद लावली होती. तर आमदार राहुल कुल यांनीही गावच्या विकासासाठी कार्यकर्त्यांनी दोन पावले मागे येऊन ग्रामपंचायत बिनविरोध करण्याचे आवाहन कार्यकर्त्यांना केले होते.