अब्बास शेख
दौंड : दौंड शहरात बेकायदेशीररीत्या पिस्तूल घेऊन फिरणाऱ्या आरोपीला दौंड पोलिसांनी अटक केली आहे. दिनांक 22/04/2026 रोजी सायंकाळी सुमारास पोलीस निरीक्षक गोपाळ पवार यांना खडकी, दौंड येथील वैभव संजय शिंदे (रा. खडकी ता. दौंड) हा संशयास्पद हालचाली करत असून त्याच्याकडे अवैधरित्या पिस्तूल असल्याची गुप्त माहिती मिळाली होती.
सदर माहितीच्या आधारे पोलिस निरीक्षक यांच्या मार्गदर्शनाखाली दौंड गुन्हे शोध पथकाने तात्काळ घटनास्थळी जाऊन संशयित इसमास ताब्यात घेतले. त्याची झडती घेतली असता त्याच्याकडे १ देशी बनावटीचे पिस्टल ३ जिवंत काडतुसे मिळून आले. जप्त केलेल्या मालाची अंदाजे किंमत सुमारे ₹53,000/- इतकी आहे. चौकशीदरम्यान आरोपीने सदर पिस्तूल हे अक्षय खोमणे (रा.इंदापूर) याकडून अवैधरित्या खरेदी केल्याची कबुली दिली आहे. याप्रकरणी आरोपीविरुद्ध भारतीय शस्त्र कायदा कलम 3/25 प्रमाणे गुन्हा दाखल करण्यात आला असून आरोपीस अटक केली आहे पुढील तपास सुरू आहे.
सदर कारवाई माननीय पोलीस अधीक्षक संदीप सिंह गिल, अप्पर पोलीस अधीक्षक गणेश बिरादार, उपविभागीय पोलीस अधिकारी बापूराव दडस यांच्या मार्गदर्शनाखाली पोलीस निरीक्षक गोपाळ पवार, पोलीस उपनिरीक्षक रुपेश कदम, पोलीस हवालदार नितीन बोराडे पोलीस हवालदार सुभाष राऊत, अमीर शेख, निखिल जाधव, किरण पांढरे, पोलीस कॉन्स्टेबल पवन माने, संजय कोठावळे, नितीन दोडमिसे दौंड पोलिस स्टेशनच्या पथकाने यशस्वीरीत्या पार पाडली आहे.
