|सहकारनामा|
दौंड : 20, 23 व 24 कॅरेट सोन्याच्या दागिन्यांना हॉल मार्किंग करून विक्रीस परवानगी मिळावी याकरिता भारतीय जनता पार्टीचे पश्चिम महाराष्ट्र प्रदेश व्यापारी आघाडीचे अध्यक्ष विकास जगताप व पुणे जिल्हा ग्रामीण व्यापारी आघाडीचे अध्यक्ष स्वप्निल शहा उद्योग मंत्रालयाकडे पाठपुरावा करीत होते.
केंद्रीय उद्योग मंत्री पियुष गोयल यांनी या दागिन्यांना हॉल मार्किंग करून विक्रीस परवानगी दिली आहे, त्यामुळे पक्षाच्या व्यापारी आघाडीला याकामी यश आले आहे. गेल्या कित्येक वर्षापासून सराफ व सुवर्णकार व्यावसायिकांसाठी हा प्रश्न गंभीर बनलेला होता परंतु ग्राहक व व्यापारी यांचे कुठलेही नुकसान होऊ न देता, ग्राहक व व्यावसायिकांचा विचार करून पियुष गोयल यांनी हा निर्णय घेतला.
सराफ व्यवसायिकांनी या निर्णयाचे स्वागत करीत पियुष गोयल यांचे आभार मानले आहेत.
