पुणे : भारतीय जनता पार्टीचे दौंड तालुका आमदार राहुल कुल यांना बारामती लोकसभा मतदार संघाच्या खासदार सुप्रिया सुळे यांनी वाढदिवसानिमित्त शुभेच्छा दिल्या आहेत. खा.सुप्रिया सुळे यांनी आ.राहुल कुल यांना शुभेच्छा दिल्याने राजकीय पातळीवर जरी मतभेद असले तरी वयक्तिक पातळीवर मात्र पवार-कुल कुटुंबियांचे चांगले संबंध असल्याची चर्चा होत आहे.
पवार-कुल कुटुंबियांमध्ये सुभाष आण्णा कुल यांच्यापासून मोठे जिव्हाळ्याचे संबंध होते. ते संबंध आ.राहुल कुल, मा.आ.रंजनाताई कुल यांनीही टिकवून ठेवले होते. मात्र 2009 साली राहुल कुल यांना राष्ट्रवादी काँग्रेसची उमेदवारी मिळूनही त्यांना अंतर्गत गटबाजी होऊन धोका मिळाल्याने त्यांनी राष्ट्रवादी काँग्रेस सोडून 2014 साली विधानसभा निवडणुकीला रासप ची उमेदवारी घेत विजय मिळवला होता. त्यानंतर पवार-कुल परिवारामध्ये राजकीय वितुष्ट निर्माण झाले. या लोकसभेला दौंडचे आमदार राहुल कुल यांच्या पत्नी कांचन कुल यांना भाजप ने बारामती मतदार संघातून खा.सुप्रिया सुळे यांच्याविरोधामध्ये उमेदवारी दिली होती. त्यानंतर आत्ता खा.सुप्रिया सुळे यांनी आ.राहुल कुल यांना शुभेच्छा दिल्याने पवार-कुल यांच्यात राजकीय मतभेद असले तरी वयक्तिकरित्या चांगले संबंध असल्याची चर्चा दौंड तालुक्यात सुरू आहे.
https://www.facebook.com/135432326488773/posts/4744830522215574/?sfnsn=wiwspmo
