दौंड : दौंड तालुक्यातील बोरीपार्धी येथील ग्रामपंचायतच्या ग्रामसेवकांवर अट्रॉसीटीचा गुन्हा दाखल करण्यात आला आहे. याबाबत दापोडी येथील शिक्षक मिलिंद शंकर चव्हाण यांनी फिर्याद दिली आहे.
पोलीसांनी दिलेल्या माहितीनुसार फिर्यादी मिलिंद चव्हाण यांनी शाळेचे भौतीक आणि शैक्षणीक सुविधेची मागणी करण्याकरीता ग्रामपंचायत कार्यालय बोरीपार्धी येथे अर्ज घेवुन तेथील ग्रामसेवक विठ्ठल चंद्रकांत रावते यांना सदरचा अर्ज दिला होता. यावर ग्रामसेवक यांनी फिर्यादी यांना तुम्ही मागच्या मिटींगला का उपस्थीत राहीला नाही असे विचारले असता फिर्यादी यांनी त्यांना तुम्ही
माझे साहेब नाही. माझे साहेब मला विचारतील असे बोलले. त्यावर चिडुन जावुन त्यांनी फिर्यादीने दिलेल्या अर्जावरील केलेली सही पेनाने खोडुन फिर्यादी यांच्या अंगावर अर्ज फेकुन देवुन फिर्यादीला हाताने व
लाथाबुक्याने मारहाण करून ग्रामपंचायत
कार्यालय बोरीपार्धी (ता. दौंड) येथुन चालता हो असे म्हणत फिर्यादी यांना ग्रामपंचायत कार्यालयाचे बाहेर ढकलत आणले. व ग्रामपंचायत कार्यालयाचे बाहेर ही मारहान करून जातीवाचक शिवीगाळ केली असे फिर्यादीत म्हटले आहे.
पुढील तपास उपविभागीय पोलीस अधिकारी श्री. धस हे करीत आहेत.
