अब्बास शेख
देऊळगाव राजे : दौंड तालुक्यातील देऊळगाव राजे येथे एक भयंकर घटना घडली आहे. बापाने स्वतःच्या मुलीला लाकडे कापण्याच्या करवतीने कापून नंतर तिला घरात टाकून घर पेटवून देण्याची घटना उघडकीस आली आहे. याबाबत निलेश आत्माराम फडणीस (वय 36 वर्षे, पोलिस, दौंड पोलीस ठाणे रा.दौंड) यांनी फिर्याद दिली असून दौंड पोलिसांनी त्यांच्या फिर्यादीवरून आरोपी शांताराम दुर्याेधन चव्हाण व चिंगु शिंदबाद भोसले (दोघे रा.हनुमान वस्ती, काळे वस्तीजवळ, देउळगाव राजे, ता.दौंड जि.पुणे) यांच्यावर गुन्हा दाखल केला आहे. हि घटना दिनांक 03.05.2026 रोजी दुपारी 03.15 च्या सुमारास देउळगाव राजे गावच्या हद्दीत असणाऱ्या हनुमान वस्ती, काळे वस्ती येथे घडली आहे.
मिळालेल्या माहितीनुसार दिनांक 03.05.2026 रोजी 03.15 च्या सुमारास शांताराम दुर्याेधन चव्हाण याने त्याची मुलगी अनामिका शांताराम चव्हाण वय 9 वर्षे हिने तिचा भाउ संस्कार शांताराम चव्हाण याच्या शाळेच्या गुणपत्रीकेवर खाडाखोड केल्याचा राग मनात धरून मुलगी अनामिका शांताराम चव्हाण हिचे गळ्यावर, डोक्यावर पाठीमागे व गालावर लाकडे कापण्याच्या मशीन चालू करून फिरवरून तिला जिवे ठार मारले व त्यानंतर तिचे प्रेत कपड्यात गुंडाळून पुरावा नष्ट करण्याच्या उद्देशाने घर पेटवून देत अर्धवट जाळून टाकले.
यावेळी त्याच्यासोबत असणारी महिला चिंगु शिंदबाद भोसले हिने देखील सदरची घटना कोणालाही सांगू नको असे सांगून घटनेची माहिती पाोलीसांपासून लपवून ठेवली.
दोन्ही आरोपिंवर गुन्हा दाखल करण्यात आला असून पुढील तपास पोलीस उपनिरीक्षक सुनिल उगले हे करीत आहेत.
