दौंड : पुणे-सोलापूर महामार्गावर असणाऱ्या दौंड तालुक्यातील असणाऱ्या केडगाव गावाच्या हद्दीमध्ये एक ट्रक आणि बसच्या अपघातामध्ये चार जणांचा मृत्यू झाला आहे. यामध्ये एक पोलिस, एक महिला आणि इतर दोन पुरुष अश्या चौघांचा समावेश आहे.
मिळत असलेल्या माहितीनुसार पुणे सोलापूर महामार्गावर रस्त्याच्या कडेला एक ट्रक उभा करण्यात आला होता. या ट्रकला हि बस धडकून हा अपघात झाला असे सांगण्यात येत आहे. तर हि बस प्रवाश्यांना घेऊन जात असताना एक ट्रक टायर रस्त्याच्या कडेला उभा होता तो ट्रक बस चालकाला न दिसल्याने ती थेट रस्त्याच्या कडेला उभ्या असलेल्या ट्रकला जाऊन धडकली आणि हा भिषण अपघात झाला अशीहि माहिती दिली जात आहे.
अपघात झाल्यानंतर पोलिसांनी स्थानिकांच्या मदतीने जखमी लोकांना बाहेर काढले यावेळी यातील दोघांचा जागीच मृत्यू झाला होता. तर इतर जखमिंना प्रथमोपचारासाठी रुग्णालयात दाखल केले त्यावेळी यातील दोन जखमींचा मृत्यू झाला. या अपघातामध्ये अनेकजण गंभीर जखमी झाले असून त्यांच्यावर उपचार सुरु आहेत.
