मुंबई : सुपरस्टार किंग खान म्हणजेच शाहरुख खान (Shahrukh Khan) याची आता अंजली (Anjali) हिट अँड रन प्रकरणात एंट्री झाली असून त्याने आपल्या मिर (Meer Foundation) फाउंडेशनच्या वतीने मृत अंजलीच्या परीवाराला एक मोठी रक्कम देऊन मदत केल्याची माहिती मिळत आहे. कुठलाही गाजावाजा न करता हि रक्कम देण्यात आल्याची माहिती अधिकृत वृत्तांमधून मिळत आहे.
अंजली हि तिच्या परिवारातील एकमेव कमावती मुलगी होती तिच्या मृत्यूमुळे तिची आई, भावंडे यांची आर्थिक परिस्थिती खूपच बिकट बनली असल्याची माहिती शाहरुख खान याला समजल्यानंतर त्याने त्याच्या मिर फाउंडेशनच्या माध्यमातून एक मोठी रक्कम अंजलीच्या कुटुंबियांना मदत म्हणून दिली आहे. नेमकी किती रक्कम देण्यात आली याची माहिती अजून मिळू शकली नाही. मात्र कोणताही गाजावाजा न करता आपले एक सामाजिक कर्तव्य समजून शाहरुख खान च्या मिर फाउंडेशन ने हि मदत केली आहे.
महिला आणि मुलींसाठी मिर फाउंडेशन हे काम करत असते. शाहरुख ने या अगोदर ॲसिड हल्ल्यात आपले सौंदर्य गमावलेल्या अनेक तरुनींसाठी त्याने शो आयोजित करून त्यांचे मनोधर्य वृद्धिंगत करण्याचे काम केले आहे.
