राजकीय
दौंड तालुक्यात ग्रामपंचायत निवडणुकांची धामधून सुरु आहे. विविध गावांमध्ये निवडणूक प्रचाराचे फ्लेक्स लावले जात असून हे फ्लेक्स कुणीतरी अज्ञात व्यक्ती फाडत असल्याचा आरोप केला जात आहे. मात्र जर हे फ्लेक्स कुणी फाडत असेल तर त्या फ्लेक्स चे फोटो सोशल मिडीयावर टाकून सहानुभूती मिळविण्यापेक्षा थेट पोलीस ठाण्यात गुन्हे दाखल का केले जात नाहीत असा सवाल सर्वसामान्य लोकांमधून उपस्थित केला जात आहे.
सध्या दौंड तालुक्यात ग्रामपंचायत निवडणुकीचे वातावरण तप्त झाले आहे. प्रत्येक निवडणुकांमध्ये काहीजण वेगवेगळ्या क्लुप्त्या वापरून सहानुभूती मिळविण्याचे काम करतात. काहीजण मग स्वतःचे नुकसान झाले तरी चालेल मात्र सहानुभूती महत्वाची असल्याचे हेरून काही चुकीची कृत्ये करतात आणि त्याचा गवगवा सोशल मिडीयावर करत राहतात आणि तक्रार देण्याचे टाळतात. तक्रार दिली तर आपण गोत्यात यायला नको हा या मागचा उद्देश असतो असे जुन्या जाणकार राजकीय व्यक्तींच्या बोलण्यातून समजते.
जर खरंच अन्याय होत असेल, फ्लेक्स, फोटो, पॉम्पलेट फाडले जात असतील तर त्याची तक्रार, फिर्याद अगोदर पोलीस ठाण्यात द्यावी जेणेकरून पोलीस यंत्रणा समाजकंटकांना शोधून त्यांना धडा शिकवतील. मात्र अनेकजण तक्रार, फिर्याद देण्याच्या गोष्टी करण्यात रस दाखवत नाहीत किंवा मुद्दाम तक्रार देत नाहीत आणि सोशल मिडियावर मात्र याची जाहिरात करून सहानुभूती घेण्याचा प्रयत्न करतात असा आरोप सर्वसामान्य नागरिक करताना दिसतात.
