दौंड : सहकारनामा ऑनलाइन
दौंड तालुक्यातील भांडगावजवळ चोरट्यांनी एक तिजोरी आणून फोडण्याचा प्रयत्न केला होता. हि बातमी आज सकाळी सर्वप्रथम सहकारनामा ने दिली होती.
सहकारनामा’ची बातमी व्हायरल होताच तिच्या खऱ्या मालकांनी यवत पोलीसांना संपर्क साधला त्यावेळी हि तिजोरी पुण्यातील प्रसिद्ध असलेल्या सिलाई वर्ल्ड या कापडाच्या दुकानातील असल्याचे यवत पोलिसांच्या निदर्शनास आले.
हि तिजोरी काल सिलाई कापड दुकानातून चोरट्यांनी चोरून भांडगाव हद्दीत आणली होती, तेथे त्यांनी हि तिजोरी फोडण्याचा आटोकाट प्रयत्न केला असल्याचे या तिजोरीच्या परिस्थितीवरून जाणवत होते.
हि तिजोरी ज्यावेळेस सिलाई दुकानाच्या व्यवस्थापकांनी उघडण्याचा प्रयत्न केला तेव्हा त्यांनाही ती उघडता येत नव्हती, कारण तिच्यावर दगडी मारून ती पूर्णपणे चेंबलेल्या अवस्थेत होती.
यावेळी सदर इसमांनी गॅस कटरच्या सहाय्याने ती उघडली असता त्यामध्ये दुकानातील सुमारे 1 लाख 36 हजार रुपये इतकी रक्कम आढळून आली.
