दौंड : सहकारनामा ऑनलाईन
दौंड शहरामध्ये एका 75 वर्षीय कोरोना ग्रस्ताचा मृत्यू झाला आहे. तर 3 जणांचे अहवाल कोरोना पॉझिटिव्ह आले आहेत.
दौंड शहरामधून एकूण 26 जणांचे स्वॅब पाठवले होते. त्यापैकी 25 जणांचे अहवाल प्राप्त झाले आहेत. यामध्ये तीन जणांना कोरोनाची बाधा झाल्याचे निष्पन्न झाले असल्याची माहिती दौंड उपजिल्हा रुग्णालयाचे अधीक्षक डॉ.संग्राम डांगे यांनी दिली आहे. तीन कोरोना बाधितांमध्ये 8 वर्षाचा मुलगा, 25 वर्षाची मुलगी आणि 85 वर्षाची वृद्ध महिलेचा समावेश आहे.
दौंड शहरामध्ये दिवसेंदिवस कोरोनाचा फैलाव वाढत चालला आहे.शासकीय स्तरावर विविध उपाययोजना राबवूनही येथे कोरोनाचा प्रादुर्भाव कमी होताना दिसत नाही. त्यामुळे आता नागरिकांनी स्वतःच काळजी घेणे काळाची गरज बनली आहे. अन्यथा ही महामारी उग्ररूप धारण करण्याची दाट शक्यता आहे.
