बारामती | अल्पवयीन मुलीवर अत्याचार करणाऱ्या एका आरोपीने आज सकाळी वडगाव निंबाळकर पोलीस ठाण्यात गळफास घेत आत्महत्या केल्याची धक्कादायक घटना घडली आहे. रवींद्रआनंद गार्डी असे आत्महत्या केलेल्या आरोपीचे नाव आहे.
रवींद्र गार्डी या आरोपीने अवघ्या 13 वर्षाच्या अल्पवयीन मुलीवर अत्याचार करत तिचा जबरदस्तीने गर्भपात केला असा त्याच्यावर आरोप होता. या प्रकरणात बारामती तालुक्यातील वडगाव निंबाळकर पोलिसांनी त्याला अटक करुन न्यायालयासमोर हजर केले असता न्यायालयाने त्याला पोलिस कोठडी दिली होती.
आज दिनांक 28 एप्रिल रोजी सकाळी 8:15 वाजण्याच्या सुमारास तो पोलिस कोठडीत गळफास घेतलेल्या अवस्थेत पोलिसांना आढळून आला. आरोपीने गळफास घेतल्याचे कळताच पोलीस ठाण्यात एकच खळबळ माजली. गंभीर गुन्ह्यातील आरोपीने नेमकी कोणत्या कारणाने गळफास घेतला असावा या बाबत सर्वत्र चर्चा सुरु आहे.
