शिरूर | लोकांना रस्त्यामध्ये लुटणारी टोळी जेरबंद

शिरूर : शिरूर शहरात रोड रॉबरी करणारी चोरट्यांची टोळी पोलिसांनी जेरबंद करून जबरी चोरीचे चार गुन्हे उघडकीस आणले आहेत. या चोरट्यांकडून तब्बल ९७ हजारांचा मुद्देमाल हस्तगत करण्यात आला आहे. ही कारवाई स्थानिक गुन्हे शाखा, (पुणे ग्रामीण) आणि शिरूर पोलिसांनी केरळी आहे.

शिरुर शहरातमध्ये रात्री च्या वेळी शहराबाहेर पडणाऱ्या लोकांची जबरदस्तीने लुटमार करून मोबाईल चोरी करण्याच्या घटना वाढु लागल्या होत्या. स्थानिक गुन्हे शाखेच्या पथकाने सदर गुन्ह्यांच्या अनुषंगाने सीसीटीव्ही फुटेज तपासण्यात येत होते तसेच तांत्रिक विश्लेषण करून आजूबाजूच्या परीसरातील गोपनीय बातमीदार सतर्क करण्यात आले होते. यावेळी रेकॉर्डवरील सराईत गुन्हेगारांची माहिती प्राप्त करण्यास सुरूवात केली असता, मिळालेल्या माहितीच्या आधारे सदरचे गुन्हे हे शिरूर शहरात राहणारे १) शिरीष सोपान जाधव, (वय १९ वर्षे, रा. होलार आळी, शिरूर, ता. शिरूर जि पुणे) २) संतोष मारूती ढोबळे, (वय १९ वर्षे, रा. वाडा कॉलनी, शिरूर ता. शिरूर, जि. पुणे) यांनी केले असल्याची खात्रीशीर
माहिती मिळाली होती.

पोलिसांनी त्यांचा शोध घेवून दोघांना शिरूर शहरातून ताब्यात घेतले. चौकशी दरम्यान त्यांनी शिरूर शहरात चार गुन्हे केल्याचे सांगितले. दोन्ही आरोपींच्या ताब्यातून ५२ हजाराचे एकूण चार मोबाईल तसेच गुन्ह्यात वापरलेल्या ४५ हजारांच्या दोन मोटार सायकल जप्त करण्यात आलेल्या आहेत.

दोन्ही आरोपींकडून
खालीलप्रमाणे गुन्हे उघडकीस आले आहेत.

शिरूर पो स्टे गु.र.नं. १३१८/२०२३ भादंवि ३९२,३४ ३
शिरूर पो स्टे गु.र.नं. १३१९ / २०२३ भादंवि ३९२,३४ ४
शिरूर पो स्टे गु.र.नं. १३२२/२०२३ भादंवि ३९२,३४
शिरूर पो स्टे गु.र.नं. १३३६/२०२३ भादंवि ३९२,३४

सदरची कामगिरी पोलीस अधीक्षक अंकित गोयल (पुणे ग्रामीण) अपर पोलीस अधीक्षक श्री.मितेश घट्टे (पुणे विभाग) उपविभागीय पोलीस अधिकारी यशवंत गवारी यांच्या मार्गदर्शनाखाली स्थानिक गुन्हे शाखेचे पोलीस निरीक्षक अविनाश शिळीमकर, शिरूर पो स्टेचे पोलीस निरीक्षक श्री संजय जगताप, स्थानिक गुन्हे शाखेचे पो.स.ई. गणेश जगदाळे, पोलीस अंमलदार तुषार पंदारे, राजू मोमीण, अतुल डेरे, जनार्दन शेळके, योगेश नागरगोजे, शिरूर चे पो.स. ई. एकनाथ पाटील, पोलीस अंमलदार नाथासाहेब जगताप, रघुनाथ हाळनोर यांनी केली आहे. आरोपी सध्या पोलीस कोठडी रिमांड मध्ये असून पुढील तपास शिरूर पोलीस करत आहेत.