| सहकारनामा ऑनलाईन
देशात कोरोनाचे संकट आ वासून उभे असतानाच आता अम्फन नामक चक्रीवादळाने अक्षरशा थैमान घातले आहे. पश्चिम बंगालमध्ये या चक्रीवादळाने रौद्र रूप धारण करत तब्बल 72 जणांचा बळी घेतला आहे. याबाबत पश्चिम बंगालच्या मुख्यमंत्री ममता बॅनर्जी यांनी माहिती दिली आहे. त्यांनी या चक्रीवादळाला अतिशय भयंकर आणि भयानक असे संबोधत हे वादळ कोरोनापेक्षाही जास्त धोकादायक असल्याचे म्हटले आहे. या चक्रीवादळामध्ये मृत्यूमुखी पडलेल्यांच्या कुटुंबीयांना अडीचलाख रूपयांच्या मदतीची घोषणा केली आहे. या भयानक वादळाने सर्वत्र हाहाकार माजवला असून यामुळे अनेक ठिकानी झाडे पडून मृत्यू झाल्याचे समोर येत आहे.
