पुणे : राष्ट्रवादी काँग्रेस (अजित पवार गट) पक्षाच्या महिला प्रदेशाध्यक्षपदी दौंड तालुक्याच्या वैशाली नागवडे यांच्या नावाची जोरदार चर्चा सुरू असून या प्रक्रियेत त्यांचे नाव आघाडीवर असल्याची माहिती मिळत आहे.
रुपाली चाकणकर यांनी आपल्या पदाचा राजीनामा दिल्यानंतर रिक्त झालेल्या या पदावर नवीन चेहऱ्याची नियुक्ती करण्यासाठी पक्षाच्या उच्चस्तरीय बैठकांमध्ये वैशाली नागवडे यांच्या नावाला सर्वाधिक पसंती दिली जात आहे. वैशाली नागवडे या दिवंगत उपमुख्यमंत्री अजितदादा पवार आणि विद्यमान उपमुख्यमंत्री सुनेत्राताई पवार यांच्या खास विश्वासू असून त्यांनी राष्ट्रवादी काँग्रेसच्या पडझडीच्या काळातही कधीच अजित पवारांच्या राष्ट्रवादीची साथ सोडली नाही. त्यांनी अनेकवेळा विविध आंदोलनात भाग घेतला असून पुण्यात एका आंदोलनावेळी त्यांच्यावर हल्ला सुद्धा झाला होता.
काल मुंबईत राष्ट्रवादीच्या प्रमुख नेत्यांची बैठक झाली. यावेळी उपमुख्यमंत्री सुनेत्रा पवार, प्रदेशाध्यक्ष सुनील तटकरे यांसह विविध मान्यवर या बैठकीला उपस्थित होते त्यावेळी महिला आघाडीत फेरबदल करण्याबाबत निर्णय घेण्यात आले असल्याची खात्रीशीर माहिती सूत्रांकडून मिळाली आहे, तसेच या पदासाठी वैशाली नागवडे यांचे नाव आघाडीवर असल्याची माहितीही मिळत आहे.
वैशाली नागवडे यांनी या अगोदर
2002- 2005
संचालक (अण्णासाहेब पाटील आर्थिक विकास महामंडळ) 2005 – 2016
संचालक (महाराष्ट्र राज्य सहकारी दूध महासंघ, (महानंद)
2013 – 2016 अध्यक्ष (महाराष्ट्र राज्य सहकारी दूध महासंघ)
2009 – 2021 अध्यक्ष, (पुणे जिल्हा महिला राष्ट्रवादी काँग्रेस अध्यक्ष)
2007 – 2012 पंचायत समिती सदस्य (दौंड)
2010 – अध्यक्ष, (पंचायत राज कंमिटी , महाराष्ट्र राज्य) 2014 – 2016 संचालक , (NDDB-नॅशनल डेअरी डेव्हलपमेंट बोर्ड , आनंद , गुजरात)
2014 -2016 संचालक , (IVRI – इंडियन व्हर्टिनरी रिसर्च सेन्टर , बरेली – उत्तर प्रदेश) अशी विविध पदे भूषवली आहेत.
वैशाली नागवडेंसोबतच युवक आणि विद्यार्थी आघाडीतही नव्या नियुक्त्या होण्याची शक्यता वर्तवली जात आहे.
