राहुल आवचर
देऊळगावराजे : सिद्धटेक तालुका कर्जत येथील सिद्धिविनायकाच्या मंदिरात गणेश जन्माचा कार्यक्रम मोठ्या उत्साहात पार पडला.
गणेश जन्मोत्सव निमित्ताने मंदिरामध्ये फुलांची सजावट करण्यात आली होती. पहाटे अभिषेक करून जागीरदारांच्या हस्ते श्रींची पूजा करून श्रींना पोशाख व हार चढविण्यात आले होते. त्यानंतर दुपारी बारा वाजता गणेश जन्माचे कीर्तनाचे आयोजन करण्यात आले होते.
यावेळी गणपतिला महाप्रसाद नैवेद्य दाखवून भाविकांसाठी जेवणाची व्यवस्था करण्यात आली. सायंकाळी सहाच्या दरम्यान पालखीचे आयोजन करून नऊ वाजता महाआरती करण्यात आली. यावेळी परिसरातील भाविकांनी सिद्धिविनायकाच्या दर्शनासाठी मोठी गर्दी केली होती.
