पुणे : (क्राईम ब्युरो)
रांजणगाव शहरामध्ये हॉटेल मुक्ताई व हॉटेल गारवा याठिकाणी काहीजण स्वतःच्या आर्थिक फायद्यासाठी परप्रांतीय महिलांकडून वेश्याव्यवसाय करवून घेत असताना पुणे क्राईम ब्रँचच्या पथकाने धाड टाकून त्यांना रंगेहात पकडले आहे. हे लोक वेश्या व्यवसायमधून अर्थार्जन करून स्वतःची उपजीविका चालवत आहेत अशी माहिती बारामती अप्पर पोलीस अधीक्षक जयंत मीना यांना बातमीदार मार्फत मिळाली होती. त्यांनी बारामती क्राईम ब्रँचचे प्रमुख पोलीस निरीक्षक चंद्रशेखर यादव यांना याबाबत सूचना केल्या होत्या. त्या अनुषंगाने क्राईम ब्रँचच्या पथकाने रांजणगाव पोलीस स्टेशन परिसरात जाऊन माहिती घेऊन रांजणगाव पोलीस स्टेशन चे पोलीस निरीक्षक भारतकुमार राऊत आणि जवान यांच्यासह हॉटेल मुक्ताई व हॉटेल गारवा या ठिकाणी अचानक छापा टाकला असता हॉटेल मुक्ताई येथे तीन परप्रांतीय महिला (पश्चिम बंगाल) व हॉटेल गारवा येथे दोन परप्रांतीय (पश्चिम बंगाल) महिला यांच्याकडून वेश्याव्यवसाय करून घेत असताना आरोपी मिळून आले. सदर ठिकाणी वेश्याव्यवसाय करवून घेणाऱ्या सात इसमांना ताब्यात घेऊन सदर 5 महिलांची सुटका केली त्यांना महिला सुधार गृहात दाखल करण्यात आले आहे. पोलिसांनी महेश उर्फ बापुण, रा रांजणगाव, सुमित साहू, रा रांजणगाव, संदीप बळवंत येंधे, राहणार- जुन्नर जिल्हा पुणे, राजू पित्तवास साहू, राहणार- ओडिसा,
संतोष लोकनाथ बेहरा, राहणार- ओडिसा,
नारायण संजय दुधाटे, राहणार- परभणी, राकेश उर्फ लूफताद रहमान शेख अश्या एकूण 7 आरोपींविरुद्ध रांजणगाव पोलीस स्टेशनमध्ये अनैतिक व्यापार प्रतिबंध कायद्यान्वये गुन्हा दाखल करण्यात आला असून सदरची कामगिरी हीपुणे ग्रामीण पोलीस अधीक्षक संदीप पाटील,
अप्पर पोलीस, अधीक्षक बारामती विभाग चे जयंत मीना यांच्या मार्गदर्शनाखाली बारामती क्राईम ब्रँचचे पोलीस निरीक्षक चंद्रशेखर यादव, रांजणगाव पोलिस स्टेशन चे पोलीस निरीक्षक भारतकुमार राऊत, एपीआय प्रफुल्ल कदम.
बारामती क्राईम ब्रँच चे पोलीस जवान सुरेंद्र वाघ, संदीप जाधव, स्वप्निल अहिवळे, शर्मा पवार, विशाल जावळे, तसेच आरसीपी पथकातील 9 पुरुष 2 महिला जवान पोलिस जवान व रांजणगाव पोलिस स्टेशनचे पोलिस जवान किशोर तेलंग, अजित भुजबळ, रघुनाथ हळनोर यांनी कारवाईत भाग घेतला.