दौंड : दौंड तालुक्यातील पाटस येथे शिवीगाळ आणि दमदाटी केल्यामुळे 17 जणांवर अ‍ॅट्रॉसिटीचा गुन्हा दाखल करण्यात आला आहे. ही घटना दि.6 मार्च 2024 रोजी रात्री 10 वाजता घडल्याचे फिर्यादित नमूद करण्यात आले असून तब्बल पाच महिन्यानंतर म्हणजे 5 ऑगस्ट 2024 रोजी यवत पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार वर नमुद तारीख वेळी व ठिकाणी फिर्यादी नाजुका बापू मोरे (रा. देऊळगाव गाडा, ता. दौंड) यांनी यवत पोलिस स्टेशनला फिर्याद दिली की केडगाव, बोरी,दापोडी येथील आरोपी यांनी फिर्यादी व फिर्यादी यांच्या वडिलांस जातीवाचक शिवीगाळ करून जिवे मारण्याची धमकी दिली.
त्यामध्ये आरोपिनी अ‍ॅट्रोसिटी गुन्ह्याला मी घाबरत नाही. तुला काय करायचे आहे ते कर, तुमचे हात पाय तोडून टाकु असे म्हणून बाजूस सर्व आरोपींनी फिर्यादीचे कुटुब संपवून टाकेन असे म्हणून सर्वांनी जिवे मारण्याची धमकी दिली असे फिर्यादित नमूद करण्यात आले आहे.
