छत्तीसगड : वृत्तसेवा
एकीकडे प्रशासन कोरोना सारख्या भयानक विषाणूशी लढत असताना दुसरीकडे अंतर्गत शत्रू बनू पाहत असलेल्या नक्षल्यांनी छत्तीसगडमध्ये 17 जवानांना शहीद केले यात काही नक्षलिही मारले गेल्याचे वृत्त आहे. ही चकमक छत्तीसगड मधील सुकमा जिल्ह्यात शनिवारी रात्री घडली असून नक्षलवादी आणि सुरक्षा रक्षकांमध्ये झालेल्या चकमकीत 17 जवान शहीद झाल्याचे आज 22 मार्च रोजी समोर येत आहे. नक्षली आणि जवानांमध्ये उडालेल्या चकमकीनंतर अनेक जवान बेपत्ता झाले होते त्या जवानांचे मृतदेह आज मिळून आले आहेत. मिळत असलेल्या वृत्तानुसार सुकमा जिल्ह्यातील कोराजगुडा डोंगराजवळील जंगलात ही चकमक झाली. या चकमकीमध्ये 5-6 नक्षलवादीही मारले गेले असल्याचे समोर येत आहे. जखमी जवानांना रायपूरमधील रामकृष्ण रुग्णालयात दाखल करण्यात आले आहे.
